Content
Мы рыхтуемся да вандроўкі, збіраем рэчы і раптам задумваемся пра бяспеку. Што з намі можа здарыцца ў дарозе, на мяжы, у гатэлі, на вуліцы? Што трэба ўзяць з сабой, а што пакінуць, дзе схаваць грошы, якія раёны лепей абмінуць, дзе набыць страхоўку, куды тэлефанаваць, калі нешта здарыцца — гэтыя пытанні мы пракручваем у галаве перад дарогай, бо гэта натуральны клопат пра бяспеку, закладзены тысячагоддзямі эвалюцыі.
Тое самае мы, здаецца, павінны думаць і абмяркоўваць з камандай, калі пачынаем рабіць нешта новае разам. Але тут нашай інтуіцыі і прыроднай трывожнасці можа быць недастаткова. У выніку, часта гэтыя абмеркаванні адбываюцца, калі нешта кепскае ўжо здарылася.
Падчас майстэрні 1 лістапада з 19:00 да 21:00 (па Мінску) вы зможаце:
- даведацца пра складнікі арганізацыйнай бяспекі;
- навучыцца сістэмна і паслядоўна працаваць з арганізацыйнымі рызыкамі;
- навучыцца прымяняць методыкі павышэння бяспекі ў камандзе;
- абмеркаваць распаўсюджаныя выклікі і адказы на іх;
- даведацца, дзе шукаць дадатковую дапамогу і рэсурсы для бяспекі.
А таксама:
- планаваць і імплементаваць меры бяспекі ў калектыве;
- ацэньваць арганізацыйныя рызыкі;
- працаваць з рызыкамі, каб зніжаць верагоднасць і наступствы;
- рэагаваць на інцыдэнты.
Спікер
Аляксандр
Запрошаны трэнер і эксперт ініцыятывы CyberBeaver, якая дапамагае некамерцыйным арганізацыям спраўляцца з выклікамі бяспекі. Мае пяцігадовы досвед кансультавання па пытаннях арганізацыйнай бяспекі для шэрагу беларускіх ініцыятыў.