Чаго і колькі: падлічваем рэсурсы

Kontenido

Колькі праграмістаў трэба каб укруціць лямпачку? — пытанне, на якім сыпляцца самыя крутыя праекты. Сёння мы пачнем размову аб планаванні рэсурсаў. Больш аб гэтым паразмаўляем на жывым зум-варкшопе з фем- квір-актывісткай Настай Базар, але сёння пералічым караценька асноўныя прынцыпы. 
﻿
Запаведзь першая – не імправізуй. Працэс планавання часам можа паказацца простым для імправізацыі — прыблізна столькі нам трэ ўлётак, прыблізна столькі бутэлек вады, там на месцы разбяромся. Але гэта вельмі істотная памылка. Перад тым, як пачынаць планаванне рэсурсаў, трэба грунтоўна абмеркаваць на што і колькі яны могуць быць патрэбныя. Толькі пасля такога аналізу можна спадзявацца на тое, што форс-мажораў не будзе.
﻿
Запаведзь другая – старайся падлічыць. Перад тым, як размяркоўваць рэсурсы, пастарайцеся прыкінуць, колькі людзей будзе ўдзельнічаць у вашым мерапрыемстве. У ідэале для гэтых мэтаў мець рэгістрацыю (звярні ўвагу на трэк пра яе), але таксама можна ўжываць папярэдні досвед, свой ці чужы: колькі і хто звычайна прыходзяць на імпрэзу.
﻿
Запаведзь трэцяя – лепей больш ніж менш. Калі раптам пасля імпрэзы застанецца колькі матэрыялаў, то іх можна будзе раздаць як сувеніры ці пакінуць на наступны раз. То бок, гэта не праблема. Праблемы пачынаюцца тады, калі чагось не хапае. У такіх выпадках альбо трэба рабіць матэрыялы з таго, што ёсць, альбо адмаўляць удзельнікам. Ні тое, ні тое не ёсць пазітыўным сцэнаром, таму наша парада вам такая: закладвайце трохі больш, так будзе бяспечней. 
﻿
Запаведзь чацвёртая — рэсурсы бываюць не толькі матэрыяльнымі. Калі ласка, заўсёды трымайце ў галаве, што час і колькасць працоўных рук, якое спатрэбіцца вам на тое, каб выразаць флаеры/расклеіць налепкі — таксама рэсурс, які трэба знайсці, палічыць і расходаваць з розумам. Тое ж тычыцца стомленасці і голаду валанцёраў у дзень мерапрыемства або выгарання/вольнага часу/натхнення, калі гаворка ідзе пра больш маштабны праект.
﻿
Запаведзь пятая — частка каманды, частка карабля. Асобны рэсурс гэта «жывая сіла», то ёсць валанцёры. Падумайце, колькі людзей вам трэба і што яны павінны ўмець. Гэта можа залежаць ад актыўнасці і спецыяльных запытаў, а таксама ад колькасці мяркуемых удзельнікаў і маштабу мерапрыемства ў цэлым. Абавязкова памятайце, што ў вас заўсёды павінен быць асобны свабодны чалавек, які будзе трымаць у галаве ўвесь план таго, што адбываецца і выдатна ведаць, дзе і што адбываецца ў дадзены момант. Больш падрабязна аб камандзе і яе функцыянаванні — у асобным трэку.

Optené badge di aktividat

Заўсёды ў рэсурсе Optené e badge akí

Ведаю базавыя правілы падліку і мэнэджмэнту рэсурсаў.

Tasks

Task no.1

Evidence verified by: un organisadó di aktividat

Паспрабуйце распланаваць, чаго і колькі вам трэба, а таксама хто вам патрэбен для рэалізацыі вашага праекта.

Skills

ESCO

#teamwork principles

ESCO

#managing resources

Kompromiso sosial

Agregá den playlist (1)

Time to complete: 45 minüt

Organisadónan

Бяры & Рабі

Used in playlists

Бяры & Рабі

Badgecraft ta fasilitá e plataforma akí i ta desaroy'é huntu ku organishonnan líder den edukashon. E programa Erasmus+ di Union Europeo a ko-finansiá kreashon di e promé vershon di e plataforma akí. Tuma kontakto ku support@badgecraft.eu.