Sadržaj
Дзейнасць арганізацый і ініцыятыў можа спрыяць рашэнню глабальных праблем нават тады, калі гэтыя праблемы не знаходзяцца ў непасрэдным фокусе працы арганізацыі. Гэта адбываецца праз тое, што мы можам улічваць і рэалізоўваць у сваёй працы такія скразныя каштоўнасці, як правы чалавека, інклюзія, гендарная роўнасць і экапрыязнасць.
Па выніках інтэрактыўнай лекцыі 6 лістапада 19:00-21:00 (па Мінску) вы:
- даведаецеся, што такое скразныя каштоўнасці;
- атрымаеце разуменне таго, што на практыцы значаць правы чалавека, гендарная роўнасць, інклюзіўнасць, экапрыязнасць;
- на простых прыкладах пабачыце, як скразныя каштоўнасці рэалізуюцца ў дзейнасці арганізацый і ініцыятыў.
А яшчэ навучыцеся:
- ацэньваць сваю дзейнасць праз прызму скразных каштоўнасцяў;
- уключаць скразныя каштоўнасці ў сваю працу.
Спікерка
Марына Штрахава, сузаснавальніца арганізацыі «ІншыЯ», амбасадарка скразных каштоўнасцяў, менеджарка сацыяльных праектаў, раней сузаснавальніца ліквідаванай арганізацыі «Жывая Бібліятэка» (2014-2021гг). У актывізме з 2011 года. Preuzmi značku znanja aktivnosti
Я ведаю, што такое скразныя каштоўнасці і як з імі працаваць
Zadaci
Dokaz verifikovan od strane: jedan/na organizator/ka aktivnosti
Паколькі на гэтай сустрэчы размова ідзе адразу пра чатыры скразныя каштоўнасці, то прапануем вам выканаць на выбар адно заданне і папрацаваць з адной з каштоўнасцяў.
- Правы чалавека. Фарматам рэалізацыі правоў чалавека ў вашай дзейнасці можа быць выкарыстанне падыходу, заснаванага на правах чалавека (human rights based approach, HRBA). У дапаможніку пра падыход ад Беларускага Хельсінкскага Камітэту (БХК) прачытайце старонку 50 пра падыход і пасля пачытайце пытанні на старонках 51-54. Напішыце кароткую нататку да 200 слоў пра рэалізацыю human rights based approach у вашай працы (Напішыце, напрыклад, ці рэалізуеце вы ўжо нешта з гэтага? Чаго не хапае, каб змяніць існуючыя падыходы?)
- Інклюзія. Прачытайце артыкул «Распрацоўка і ўкараненне палітык разнастайнасці і інклюзіі» і прайдзіце тэст з артыкула. Падумайце, што менавіта па выніках тэста вы хацелі б змяніць у вашай дзейнасці незалежна ад распрацоўкі палітыкі. Сфармулюйце не менш за 3 канкрэтныя змены. Заданне дапаможа вам зразумець, як можна распрацаваць сваю ўласную палітыку і наколькі інклюзіўнай з’яўляецца менавіта ваша арганізацыя або ініцыятыва.
- Экапрыязнасць. Паглядзіце відэа «Гісторыя рэчаў» з Ані Леанард і правядзіце аўдыт рэчаў, якія знаходзяцца вакол вас у дадзены момант (дома ці на працы): колькі з іх сапраўды прыносяць вам карысць і/ці радасць, без якіх можна было б лёгка абысціся?